മൈ ഡിയർ കുട്ടിച്ചാത്തന്റെ ഇംഗ്ലീഷ് പതിപ്പ് റിലീസിന് ഒരുങ്ങുന്നു

1984-ൽ പുറത്തിറങ്ങിയ മലയാളം സിനിമയായ മൈ ഡിയർ കുട്ടിച്ചാത്തൻ ഇന്ത്യൻ സിനിമയിൽ നിന്ന് ഇറങ്ങിയ ആദ്യ 3ഡി ചിത്രമാണ്. ഇംഗ്ലീഷ് പതിപ്പ് റിലീസിന് ഒരുങ്ങുന്നു . ഇന്ത്യൻ സിനിമയിൽ ത്രീഡി സിനിമകളിൽ വിപ്ലവത്തുടക്കമിട്ട മൈ ഡിയർ കുട്ടിച്ചാത്തൻ മാറ്റങ്ങളോടെ റിലീസിന്. ജിജോ പുന്നൂസിന്റെ രചനയിൽ മോഹൻലാൽ സംവിധാനം ചെയ്യുന്ന ബറോസ് ത്രീഡി പതിപ്പ് റിലീസിന് തയ്യാറെടുക്കുമ്പോഴാണ് ‘‘ഛോട്ടാ ചേതൻ 3D’ എന്ന പേരിൽ കുട്ടിച്ചാത്തൻ ഇം​ഗ്ലീഷ് പതിപ്പ് എത്തുന്നത്. പുതുതായി കൂട്ടിച്ചേർത്ത രണ്ട് രംഗങ്ങൾക്കൊപ്പം ‘‘ഛോട്ടാ ചേതൻ 3D’ എന്ന പേരിലാണ് ചിത്രം ഇംഗ്ലീഷിൽ റിലീസ് ചെയ്യുക. കാലത്തിനൊത്ത മാറ്റങ്ങളുമായി പുതിയ സാങ്കേതിക വിദ്യയുടെ സഹായത്തോടെയാണ് “ചോട്ടാ ചേതൻ 3D’ ഇംഗ്ലീഷിൽ പ്രദർശനം ചെയ്യാൻ ഒരുങ്ങുന്നത്. രംഗനാഥ് രവി സൗണ്ട് ഡിസൈൻ നിർവഹിക്കുന്നു. ടെസ് ജോസഫും സംഘവുമാണ് ഡബ്ബിങ് നിർവഹിച്ചിട്ടുള്ളത്. നവോദയ സ്റ്റുഡിയോസ് തന്നെയാണ് ചിത്രത്തിന്റെ ഗ്ലോബൽ തിയേറ്റർ റിലീസ് ചെയ്യുന്നത്.