സിവില് സര്വീസ് പരീക്ഷ; ഞായറാഴ്ച അധിക സര്വീസ് ഒരുക്കി കൊച്ചി മെട്രോ
കൊച്ചി : ഞായറാഴ്ച യുപിഎസ്സി സിവില് സര്വീസസിലേക്കുള്ള പ്രിലിമിനറി പരീക്ഷ നടക്കുന്നതിനാല് കൊച്ചി മെട്രോ സര്വീസ് സമയം ദീര്ഘിപ്പിക്കുന്നു. പരീക്ഷയെഴുതുന്നവര്ക്ക് കൃത്യ സമയത്ത് തന്നെ പരീക്ഷാ സെന്ററില് എത്തുന്നതിനായി ഞായറാഴ്ച രാവിലെ ആറ് മുതല് കൊച്ചി മെട്രോ സര്വീസ് ആലുവ, എസ്എൻ ജംഗ്ഷൻ സ്റ്റേഷനുകളില് നിന്ന് ആരംഭിക്കുന്നതാണ്. രാവിലെ ആറ് മുതല് 7.30 വരെ പതിനഞ്ച് മിനിറ്റ് ഇടവേളകളിലായിരിക്കും സര്വീസ്. നിലവില് രാവിലെ 7.30നാണ് കൊച്ചി മെട്രോ ഞായറാഴ്ചകളില് സര്വീസ് ആരംഭിച്ചിരുന്നത്.