നാലര വർഷം ഹേമ കമ്മിറ്റിയുടെ കണ്ടെത്തലുകൾ പൂഴ്ത്തി വെച്ച പിണറായി ദാസനെതിരെ ഒരക്ഷരം പോലും എഴുതാതിരിക്കാൻ ഞാൻ പ്രത്യേകം ശ്രദ്ധിച്ചിട്ടുണ്ട്….

ആർക്കും സംശയമൊന്നുമില്ലല്ലോ.നടിയെ ബംഗാളിൽ നിന്ന് എറണാകുളത്തെ എന്റെ ഫ്ലാറ്റിലേക്ക് വിളിച്ചു വരുത്തി. അവർക്ക് സിനിമ കഥ പറഞ്ഞു കൊടുത്തു. അസിസ്റ്റന്റാണ് കഥ പറഞ്ഞു കൊടുക്കുന്നത്. ആ സമയത്ത് അവരുടെ ചലനങ്ങളും ശരീരവും വീക്ഷിച്ചു കൊണ്ടിരിക്കുകയായിരുന്നു ഞാൻ. കഥാപാത്രത്തിന് യോജിക്കുമോ എന്ന് നോക്കാൻ. പിന്നീട് റൂമിലെ ബാൽക്കണിയിലേക്ക് പോയി. അവർ പിറകെ വന്നു. സിഗരറ്റ് കൊടുത്തു. അത് വലിച്ചു തിരിച്ചു പോയി. അവർക്ക് പറ്റിയ റോൾ ഇല്ല എന്ന് മനസ്സിലായപ്പോൾ അത് പറയാൻ അസിസ്റ്റന്റിനെ ഏല്പിച്ചു. അവർ വളരെ ദേഷ്യത്തോടെയാണ് തിരിച്ചു പോയത്.

ഇത്രയുമാണ് ഈ ഗജഫ്രോഡിന്റെ നരേഷൻ..അതായത് ബംഗാളിലെ പ്രശസ്തയായ നടിയെ ഫ്ലൈറ്റ് ടിക്കറ്റ് കൊടുത്ത് വിളിച്ചു വരുത്തിയത് അവരുടെ എക്സ്പ്രഷനും ശരീരഭാഷയുമൊക്കെ നോക്കാനാണ് എന്ന്. ഒരു പുതുമുഖനടിയാണെങ്കിൽ അത് മനസ്സിലാക്കാം. ഒരു ഭാഷയിലെ പ്രശസ്തയായ നടിയെ അവരുടെ ഫിലിമുകളോ അഭിനയശേഷിയോ ഒന്നും നോക്കാതെ ആരെങ്കിലും കാശ് ചിലവാക്കി വിളിച്ചു വരുത്തുമോ?

ഇവിടെ വിളിച്ചു വരുത്തി. ആദ്യം വള പരിശോധിച്ചു. പിന്നെ കഴുത്ത് പരിശോധിക്കാൻ നിന്നപ്പോൾ അവർ ആട്ടിവിട്ടു. ഉദ്ദേശിച്ച കാര്യം നടക്കുന്ന ടൈപ്പല്ല എന്ന് ബോധ്യപ്പെട്ടപ്പോൾ റോളില്ല എന്ന് പറയാൻ അസിസ്റ്റന്റിനെ ഏല്പിച്ചു. അത്രയുമാണ് സംഭവിച്ചിരിക്കാൻ സാധ്യതയുള്ളത്. സാമാന്യ ബുദ്ധിയുള്ളവർക്ക് അനുമാനിക്കാവുന്നത് അത്രയുമാണ്. നടി ശ്രീലേഖ മിത്ര ഉയർത്തിയ ആരോപണങ്ങളും അവർ ഉപയോഗിച്ച വാക്കുകളും സൂക്ഷ്മവും കൃത്യവുമാണ്. ഈ ഘട്ടത്തിൽ അവരെ അവിശ്വസിക്കേണ്ട യാതൊന്നുമില്ല.

സ്ത്രീപീഡനക്കേസിൽ ദിലീപ് ജയിലിൽ കിടന്നപ്പോൾ അവിടെ പോയി സന്ദർശിച്ച് അയാൾക്ക് ഐക്യദാർഢ്യം പ്രഖ്യാപിച്ചതാണ് ഈ ഫ്യുഡൽ മാടമ്പി.

വെള്ളമടിച്ച് പാതിരയ്ക്ക് വീട്ടില് വന്നുകയറുമ്പോ ചെരുപ്പൂരി കാലുമടക്കി ചുമ്മാതൊഴിക്കാനും തുലാവര്ഷ രാത്രികളിൽ ഒരു പുതപ്പിനുള്ളിൽ സ്‌നേഹിക്കാനും എന്റെ കുഞ്ഞുങ്ങളെ പെറ്റുപോറ്റാനും ഒടുവിലൊരു നാൾ വടിയായി തെക്കെപറമ്പിലെ പുളിയൻ മാവിന്റെ വിറകിനടിയില്‍ എരിഞ്ഞു തീരുമ്പോൾ നെഞ്ചുതല്ലികരയാനും എനിക്കൊരു പെണ്ണിനെ വേണം. എന്താ പോരുന്നോ?

എന്ന് ലാലിന്റെ കഥാപാത്രത്തിന് ഡയലോഗ് കൊടുത്ത മഹാസാഹിത്യകാരനാണ്. മലയാള സിനിമയിലെ എക്കാലത്തേയും വൃത്തികെട്ട സ്ത്രീവിരുദ്ധ ഡയലോഗ്. ആ ഒറ്റ ഡയലോഗിനുള്ളിൽ തന്നെ ഇവന്റെ ABCD മുഴുവനുണ്ട്.

ചലച്ചിത്ര അക്കാദമിയുടെ തലപ്പത്തിരുത്താൻ പറ്റിയ മൊതല് തന്നെയാണ്.
ആ സ്ഥാനത്ത് ഇനിയും ഈ മൊതലിനെ തുടരാൻ അനുവദിച്ചാൽ നാറിക്കൊണ്ടിരിക്കുക ഈ സർക്കാറായിരിക്കും. എത്ര പെട്ടെന്ന് പിടിച്ചു പുറത്തിടുന്നുവോ അത്രയും നല്ലത്.