ന്യൂഡൽഹി: പലപ്പോഴും വടക്കൻ-തെക്ക് വിഭജനത്തിലേക്ക് നയിക്കുന്ന ഭാഷാ പ്രശ്‌നത്തെക്കുറിച്ച് ഇന്ത്യൻ ക്രിക്കറ്റ് താരം രവിചന്ദ്രൻ അശ്വിൻ. ഭാഷ അറിയാത്തത് ദക്ഷിണേന്ത്യയിൽ നിന്നുള്ള ആളുകൾക്ക് വെല്ലുവിളിയാണെന്ന് സമ്മതിച്ച അശ്വിൻ വിഷയത്തിൽ തൻ്റെ കാഴ്ചപ്പാട് പങ്കുവെച്ചു.
“ഐ ഹാവ് ദ സ്ട്രീറ്റ്സ്” എന്ന തൻ്റെ പുസ്തകത്തിൻ്റെ പ്രകാശന വേളയിൽ ആളികളോട് സംവദിക്കവേയാണ് അദ്ദേഹം മനസ് തുറന്നത്. “തമിഴ്നാട്ടിൽ നിന്നുള്ള ആളുകൾ അവർ നേരിടുന്ന ബുദ്ധിമുട്ടുകളെ കുറിച്ച് ബോധവാന്മാരാകണം. കുട്ടിക്കാലത്ത് എനിക്ക് ഹിന്ദി അത്ര അറിയില്ലായിരുന്നു.” ഭാഷ അറിയാത്തതിൻ്റെ പേരിൽ ജനങ്ങൾ പ്രശ്‌നങ്ങൾ നേരിടുന്നുണ്ടെന്ന് സമ്മതിച്ച അദ്ദേഹം തമിഴ്നാട്ടിൽ നിന്നുള്ള ആളുകളോട് ഈ വിഷയത്തിൽ അവരുടെ “മനസ്സ്” മാറ്റണമെന്ന് അഭ്യർത്ഥിച്ചു. ‘അഭിമാനത്തോടെ ഹിന്ദി അറിയരുത്’ എന്നതിലുപരി ‘ഹിന്ദി അറിയില്ലെങ്കിൽ അത് പഠിച്ചില്ലെങ്കിൽ ബുദ്ധിമുട്ടാകും’ എന്ന ചിന്തയിലേക്ക് വരണമെന്ന് അദ്ദേഹം ജനങ്ങളോട് ആവശ്യപ്പെട്ടു.
“ഹിന്ദി അറിയാത്തത് തൻ്റെ അണ്ടർ 17 ദിവസങ്ങളിൽ ടീമിൽ “ഉൾപ്പെടുത്തുന്നത്” ബുദ്ധിമുട്ടുണ്ടാക്കിയതായി സമ്മതിച്ച അശ്വിൻ ഈ വിഷയത്തിൽ സ്വന്തം അനുഭവം പങ്കുവെച്ചു. “ഞാൻ അണ്ടർ 17-ൻ്റെ പരിശീലന ക്യാമ്പിൽ ആയിരുന്നപ്പോൾ, എനിക്ക് ഹിന്ദി അറിയില്ല, ഇംഗ്ലീഷ് മാത്രമേ അറിയൂ, അവർ എന്നെ ഐൻസ്റ്റീനെ പോലെ നോക്കി. ഐൻസ്റ്റൈൻ ഒരിക്കലും അവരുടെ കൂട്ടത്തിൽ ഉൾപ്പെടില്ല എന്ന് മനസിലാക്കാൻ എനിക്ക് 15 വർഷമെടുത്തു,” അശ്വിൻ പറഞ്ഞു, “അടുത്തായി വരുന്നവർ ഇത്രയും വർഷം കഷ്ടപ്പെടാതിരിക്കാനാണ് ഞാൻ ഈ പുസ്തകം എഴുതിയത്,” അദ്ദേഹം കൂട്ടിച്ചേർത്തു.