സംസ്ഥാന സർക്കാരിന്റെ സാമൂഹ്യനീതി വകുപ്പിന്റെ ഭിന്നശേഷി സൗഹൃദ നഗരത്തിനുള്ള പുരസ്കാരം തിരുവനന്തപുരം നഗരസഭയ്ക്ക് ലഭിച്ചു.
ഭിന്നശേഷി ക്ഷേമ മേഖലയിൽ നിരവധി പ്രവർത്തനങ്ങൾ ഈ കാലയളവിൽ ഏറ്റെടുത്തു നടപ്പിലാക്കുവാൻ കഴിഞ്ഞു. 2023-24 സാമ്പത്തിക വർഷത്തിൽ ഭിന്നശേഷിക്കാരുടെ ജീവിത നിലവാരം മെച്ചപ്പെടുത്തുന്നതിനായി 7 കോടി രൂപയോളം ചെലവഴിച്ചു. ഭിന്നശേഷി വിദ്യാർത്ഥികൾക്ക് സ്കോളർഷിപ്പ് നൽകുകയും ഭിന്നശേഷിക്കാർക്ക് പാലിയേറ്റീവ് പരിചരണവും തിരുവനന്തപുരം നഗരസഭ ഉറപ്പാക്കുന്നു. കേൾവി കുറവുള്ളവർക്ക് കോക്ലിയർ ഇമ്പ്ലാന്റേഷൻ പദ്ധതി നടപ്പിലാക്കി. അതോടൊപ്പം സൈഡ് വീൽ ഘടിപ്പിച്ച സ്കൂട്ടർ, ഇലക്ട്രോണിക് വീൽ ചെയർ, വീൽ ചെയർ എന്നിവ വിതരണം ചെയ്തു.
വഴുതക്കാട് ഗവ. VHSS ഡെഫ് സ്കൂളിലും ബ്ലൈൻഡ് സ്കൂളിലും ആധുനിക ഓഡിയോളജി ഉപകരണങ്ങളോട് കൂടിയ ലാബ്, പ്രിന്റിങ് ലാബ്, ശീതീകരിച്ച ക്ലാസ് മുറികൾ, കുട്ടികൾക്കുള്ള പാർക്ക് എന്നിവ ഉൾപ്പടെ 10 കോടി രൂപയുടെ നവീകരണ പ്രവർത്തനങ്ങൾ ഇപ്പോൾ നടപ്പിലാക്കി വരികയാണ്. നഗരസഭ നിർമ്മാണം പൂർത്തിയാക്കുന്ന ടേക് എ ബ്രേക്ക് കേന്ദ്രങ്ങളും പാർക്കുകളും ഉൾപ്പെടെ എല്ലാ കെട്ടിടങ്ങളും ഭിന്നശേഷി സൗഹൃദ സംവിധാനത്തോടെയാണ് നടപ്പിലാക്കുന്നത്. ഭിന്നശേഷിക്കാർക്ക് ഉപജീവനത്തിന് ആവശ്യമായ പദ്ധതി സഹായവും നൽകി വരുന്നു.
ഓരോ വർഷവും ആകെ പദ്ധതി നിർവ്വഹണ തുകയുടെ 5% ത്തിൽ അധികം തുക ഭിന്നശേഷിക്കാരുടെ ഉന്നമനത്തിനായി മാറ്റി വച്ചിട്ടുള്ളത്താണ്.
2023-24 വർഷത്തിൽ ഭിന്നശേഷിക്കാരുടെ ഉന്നമനത്തിനും പര്യാപ്തതയ്ക്കും ജീവിത നിലവാരം മെച്ചപ്പെടുത്തുന്നതിനായി 6,68,04,967/- രൂപ ചിലവഴിച്ചു . നഗരസഭ മെയിൻ ഓഫീസും സോണൽ ഓഫീസുകളും ഭിന്നശേഷി സൗഹൃദപരമായിട്ടാണ് നിർമ്മിച്ചിട്ടുള്ളത് .നഗരസഭാ പരിധിയിലെ പാർക്കുകൾ ഭിന്നശേഷി സൗഹൃദമാണ്. തിരുവനന്തപുരം നഗരസഭയിൽ സ്ഥിര താമസക്കാരായിട്ടുള്ള 40ശതമാനമോ അതിലധികമോ ശാരീരിക വെല്ലുവിളി നേരിടുന്ന വിദ്യാർത്ഥികൾക്ക് സ്കോളർഷിപ്പ് ആനുകൂല്യം നൽകി വരുന്നു . 2023-24 വർഷത്തി 2,500,000/- രൂപ വകയിരുത്തിയിട്ടുള്ളതും അർഹമായ 304 വിദ്യാർത്ഥികൾക്ക് സ്കോളർഷിപ്പ് നല്കുന്നു. അതിനോടൊപ്പം ശാരീരിക മാനസിക വെല്ലുവിളി നേരിടുന്ന 7390 വ്യക്തികൾക്കാണ് പെൻഷൻ നൽകിവരുന്നത് .
ഭിന്നശേഷികാർക്ക് തണൽ പാലിയേറ്റിവ് കെയർ പരിചരണവും നഗരസഭ ഉറപ്പാക്കുന്നു. കുട്ടികളുടെ ശാരീരികവും മാനസികവുമായ ഉല്ലാസത്തിന് സാഹായകമായതും അവർക്ക് പങ്കെടുക്കാൻ കഴിയുന്നതുമായ ഇനങ്ങൾ ഉൾപ്പെടുത്തി ഏകദിന കായിക കലാ മത്സരങ്ങൾ നടത്തി വരുന്നു. 2023-24 വർഷത്തിൽ 5,12,80,000/- രൂപയാണ് സ്കോളർഷിപ്പ്. വസ്ത്രങ്ങൾക്കുള്ള ചിലവ് , പഠനസഹായി, ഡേസ്കോളർക്ക് യാത്രാചിലവ്, ഉല്ലാസയാത്ര. പഠനപര്യടനം എന്നിവയ്ക്കായി ചെലവഴിച്ചിട്ടുള്ളത് . അർഹരായ 1801 പേർക്ക് 28500/- രൂപ നിരക്കിൽ അനുവദിക്കുന്നു. മാനസിക വെല്ലുവിളി നേരിടുന്നവരിൽ വളർച്ചാ വെല്ലുവിളികൾ മസ്തിഷ്ക തളർവാതം, സംബന്ധമായ എന്നിവയാൽ വിദ്യാലയങ്ങളിലോ, ഡേകെയർ സെൻ്ററുകളിലോ പോകാത്തവർക്കായി പ്രതിമാസം 1000/- രൂപ നിരക്കിൽ വാർഷികം 17,000/- രൂപ നൽകി വരുന്നു. കേൾവികുറവുള്ളവരുടെ ഉന്നമനത്തിനായി കോക്ലിയാർ ഇംപ്ലാന്റേഷൻ & മെയിൻ്റനൻസ് നഗരസഭ നടത്തിവരുന്നു . ഈ പദ്ധതിക്കായി 19,00,000/- രൂപയാണ് ചിലവഴിച്ചത്. കോക്ലിയാർ ഇംപ്ലാന്റ് ചെയ്ത് ഒരു കുട്ടിയ്ക്ക് ഉപകരണങ്ങളുടെ കാലാകാലങ്ങളിലുള്ള റിപ്പെയറിംഗിന് ഓരോ വർഷവും 50000/- രൂപ നിരക്കിൽ നൽകുന്നു. അതോടൊപ്പം തന്നെ സൈഡ് വീൽ ഘടിപ്പിച്ച സ്കൂട്ടർ, ഹീയറിംഗ് എയ്ഡ്, ഇലക്ട്രേണിക് വീൽ ചെയർ, വീൽ ചെയർ എന്നീ ഉപകരണങ്ങളും വിതരണം ചെയ്തു . 2023-2024 വർഷത്തിൽ 86,40,711/- രൂപയ്ക്ക് ഉപകരണങ്ങൾ വാങ്ങുകയും വിതരണം ചെയ്തിട്ടുള്ളതുമാണ്.
അംഗനവാടികളിലും ലോവർ പ്രൈമറി സ്കൂളുകളിലും പഠിക്കുന്ന കുട്ടികളിലെ സംസാര വൈകല്യം ഉൾപ്പെടെയുള്ള മറ്റു വ്യത്യസ്ത വൈകല്യങ്ങൾ ബാല്യകാലത്തിൽ തന്നെ തിരിച്ചറിഞ്ഞ് ആവശ്യമായ ചികിത്സ നൽകുന്നതിനായി സ്പീച്ച്-ബിഹേവിയറൽ & ഒക്യുപേഷണൽ തെറാപ്പി നൽകാൻ കഴിയുന്ന സ്പെഷ്യലിസ്റുകളുടെ സേവനം ലഭ്യമാക്കി വരുന്നു. സ്കൂളുകളിൽ ഭിന്നശേഷി സൗഹ്യദ ടോയിലെറ്റ് നിർമ്മാണം. ഫർണിച്ചർ വിതരണം
ഭിന്നശേഷിക്കാർക്ക് അനുയോജ്യമായ രീതിയിൽ ക്ലാസ്സ്മുറികളുടെ നിർമ്മാണം നടത്തിയിട്ടുള്ളതാണ്. കൂടാതെ ക്ലാസ്സ്മുറികളിൽ ഭിന്നശേഷികുട്ടികൾക്ക് ഉപയോഗിക്കാൻ തരത്തിലുള്ള മേശയും കസേരയും നൽകി വരുന്നു.
തിരുവനന്തപുരം നഗരസഭ സ്മാർട്ട് സിറ്റി പദ്ധതിയിൽ ഉൾപ്പെടുത്തി വഴുതക്കാട് ഗവ VHSS ഡെഫ് സ്കൂളിൽ അത്യാധുനിക സംവിധാനങ്ങളോടെ നവീകരണ പ്രവർത്തികൾ നടപ്പിലാക്കി. ആധുനിക ഓഡിയോളജി ഉപകരണങ്ങളോട് കൂടിയ ലാബ്, പ്രിന്റിംഗ് ലാബ്, ശീതീകരിച്ച ക്ലാസ്സ്റൂമുകൾ, കുട്ടികൾക്ക് പാർക്ക് തുടങ്ങിയവയാണ് ഒരുക്കിയത് സർക്കാർ സ്കൂളുകളിൽ ആദ്യമായാണ് ഓഡിയോളജി ലാബ് ഒരുങ്ങുന്നത്. ഭിന്നശേഷിക്കാരുടെ സാമ്പത്തിക ഉന്നമനത്തിനായി പെട്ടിക്കടകൾ തുടങ്ങുന്നതിന് സാമ്പത്തിക സഹായം, 50% സബ്സിഡി നിരക്കിൽ കടകൾ തുടങ്ങുന്നതിനായി ഒരു വ്യക്തിയ്ക്ക് 60,000/- രൂപ നിരക്കിൽ നൽകി വരുന്നു. നഗരസഭ പരിധിയിൽ 5 ടേക്ക് എ ബ്രേക്ക് ആണ് ആരംഭിച്ചിട്ടുള്ളത് . പദ്ധതിയിൽ പബ്ലിക് ടോറ്റ്ലെറ്റ് റെസ്റ്റ് ഏരിയ കാഫെറ്റേരിയ എന്നിവയാണ് ഉള്ളത്. ഇതെല്ലാം തന്നെ ഭിന്നശേഷി സൗഹൃദപരമായിട്ടുള്ളതാണ്.
മാനസികമായും ശാരീരികമായും വെല്ലുവിളി നേരിടുന്ന ഭിന്നശേഷിക്കാരുടെ ഉന്നമനത്തിനും സമൂഹത്തിൽ അവരെ സാധാരണ ജീവിതം നയിക്കുന്നതിന് പ്രാപ്തരാക്കുന്നതിനും നഗരസഭ പ്രതിജ്ഞാബദ്ധമാണ്. ഭിന്നശേഷിക്കാരുടെ കഴിവുകൾ അംഗീകരിക്കുകയും പ്രോത്സാഹിപ്പിക്കുകയും ചെയ്യുന്നതിലൂടെ അവരെയും നമുക്കൊപ്പം കൂട്ടി നമ്മുടെ നഗരത്തെ സ്മാർട്ടാക്കാനുള്ള പ്രവർത്തനങ്ങളിൽ നമുക്ക് ഒരുമിച്ചു മുന്നേറാം..