ചുണ്ടുകൾ വിണ്ടുകീറുന്നത് തടയാന് പൊടിക്കൈകൾ
ചുണ്ടിലെ ചര്മ്മം മറ്റ് ചര്മ്മത്തെക്കാള് നേര്ത്തതാണ്. അതിനാല് ചുണ്ടുകളുടെ സംരക്ഷണം വളരെ പ്രധാനമാണ്. അത്തരത്തില് ചുണ്ടിന്റെ ഭംഗി നിലനിര്ത്താന് വീട്ടില് പരീക്ഷിക്കാവുന്ന ചില കാര്യങ്ങള് എന്തൊക്കെയാണെന്ന് നോക്കാം. ചര്മ്മ സംരക്ഷണത്തിന് സഹായിക്കുന്ന ഔഷധമാണ് നെയ്യ്. ചുണ്ടിന് ആവശ്യമായ പരിപോഷണം നല്കാന് ഇത് സഹായിക്കുന്നു. ഇതിനായി നെയ്യ് ചുണ്ടില് പുരട്ടി മസാജ് ചെയ്യാം. വെളിച്ചെണ്ണ ചുണ്ടില് പുരട്ടി മസാജ് ചെയ്യുന്നത് ചുണ്ടുകളുടെ വരൾച്ച മാറാന് സഹായിക്കും.തേന് നേരിട്ട് ചുണ്ടില് തേച്ച് മസാജ് ചെയ്യാം. ഇത് ചുണ്ട് മൃദുവാകാന് സഹായിക്കും,വെള്ളരിക്കയുടെ കഷ്ണങ്ങള് കൊണ്ട് ചുണ്ടില് മസാജ് ചെയ്യുന്നത് ചുണ്ടുകളുടെ വരൾച്ച മാറാന് സഹായിക്കും,ഉറങ്ങാൻ പോകുന്നതിനു മുമ്പ് ചുണ്ടിൽ അൽപം ഒലീവ് ഓയിൽ പുരട്ടുന്നതും നല്ലതാണ്.