കോഴിക്കോട് ചികിത്സയ്ക്കെത്തിയ യുവതിയെ പീഡിപ്പിച്ച അക്യൂപങ്ചർ തെറാപ്പിസ്റ്റ് അറസ്റ്റിൽ. കോഴിക്കോടാണ് സംഭവം.വടകര പുതുപ്പണം സ്വദേശി അനിൽ കുമാർ (42) ആണ് അറസ്റ്റിലായത്.വടകര പൊലീസാണ് പ്രതിയെ പരാതി ലഭിച്ചതിനെ തുടർന്ന് പിടികൂടിയത്.കേസിനാസ്പദമായ സംഭവം ഇന്നലെയായിരുന്നു ഉണ്ടാകുന്നത്.നടുവേദനയെ തുടർന്ന് ആശുപത്രിയിൽ ചികിത്സയ്ക്കെത്തിയതായിരുന്നു യുവതി.സംഭവം വടകര ജില്ലാ ആശുപത്രിക്ക് സമീപമുള്ള ഇലക്ട്രോ ഹോമിയോപ്പതി സെന്റർ ഫോർ വെൽനസ് സെന്ററിൽ വച്ചായിരുന്നു.യുവതിയെ ചികിത്സിക്കുന്നതിനിടെ അനിൽ കുമാർ ബലപ്രയോഗത്തിലൂടെ ശാരീരികമായി പീഡിപ്പിക്കുകയായിരുന്നു.ആശുപത്രിയിൽ നിന്നും രക്ഷപ്പെട്ട യുവതി ഉടൻ തന്നെ വടകര പൊലീസ് സ്റ്റേഷനിലെത്തി വിവരം അറിയിക്കുകയായിരുന്നു.ഇതിന് മുമ്പും സമാനമായ അതിക്രമങ്ങൾ പ്രതി നടത്തിയിട്ടുണ്ടോ എന്ന കാര്യം അന്വേഷിക്കുമെന്ന് പൊലീസ് അറിയിച്ചു.