ആലപ്പുഴ ജനറല്‍ ആശുപത്രി പരിസരത്ത് യുവാവിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി

ആലപ്പുഴ ജനറല്‍ ആശുപത്രി പരിസരത്ത് യുവാവിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. പാലസ് വാര്‍ഡ് മുക്കവലയ്ക്കല്‍ അജ്മല്‍(26) ആണ് മരിച്ചത്.

വിവാഹചടങ്ങിന് പോകുകയാണെന്ന് പറഞ്ഞ് വീട്ടില്‍ നിന്നിറങ്ങിയ അജ്മലിനെ ഇന്ന് ഉച്ചയോടെയാണ് മരിച്ചനിലയില്‍ കണ്ടെത്തിയത്.

ജനറല്‍ ആശുപത്രിക്കായി പുതുതായി നിര്‍മിക്കുന്ന കെട്ടിടത്തിന്റെ പിന്‍ഭാഗത്താണ് മൃതദേഹം കണ്ടെത്തിയത്. മുഖത്തും തലയുടെ പിന്‍ഭാഗത്തും മുറിവേറ്റതിന്റെ ലക്ഷണങ്ങളുണ്ടെന്ന് പോലീസ് അറിയിച്ചു.