ജമ്മു-കശ്മീർ ഭീകരാക്രമണത്തിൽ കേന്ദ്ര ആഭ്യന്തര മന്ത്രി അമിത് ഷാ ഞായറാഴ്ച ജമ്മു കശ്മീരിലെ സുരക്ഷാ സാഹചര്യത്തെക്കുറിച്ച് ഒരു ഉന്നതതല യോഗത്തിൽ അധ്യക്ഷത വഹിച്ചു. ഏരിയ ഡോമിനേഷൻ പദ്ധതിയിലൂടെയും സീറോ ടെറർ പ്ലാനിലൂടെയും കശ്മീർ താഴ്‌വരയിൽ നേടിയ വിജയങ്ങൾ ആവർത്തിക്കാൻ ഏജൻസികൾക്ക് നിർദ്ദേശം നൽകി.
നൂതന മാർഗങ്ങളിലൂടെ ഭീകരരെ അടിച്ചമർത്തി മാതൃക കാട്ടാൻ മോദി സർക്കാർ പ്രതിജ്ഞാബദ്ധമാണെന്ന് ഡൽഹിയിൽ രണ്ട് സെഷനുകളിലായി നടന്ന ആറ് മണിക്കൂർ നീണ്ട യോഗത്തിൽ ഷാ ഉദ്യോഗസ്ഥരോട് പറഞ്ഞു.
എല്ലാ സുരക്ഷാ ഏജൻസികളോടും മിഷൻ മോഡിൽ പ്രവർത്തിക്കാനും ഏകോപിതമായ രീതിയിൽ പ്രതികരണം ഉറപ്പാക്കാനും ഷാ നിർദ്ദേശിച്ചു. ജമ്മു കശ്മീരിലെ ഭീകരതയ്‌ക്കെതിരായ പോരാട്ടം അതിൻ്റെ നിർണായക ഘട്ടത്തിലാണ്. അടുത്തിടെ നടന്ന സംഭവങ്ങൾ കാണിക്കുന്നത് വളരെ സംഘടിത ഭീകരാക്രമണ പ്രവർത്തനങ്ങളിൽ നിന്ന് കേവലം പ്രോക്സി യുദ്ധമായി ചുരുങ്ങാൻ തീവ്രവാദം നിർബന്ധിതരായിരിക്കുന്നു എന്നാണ്. അതിനെയും വേരോടെ പിഴുതെറിയാൻ ഞങ്ങൾ തീരുമാനിച്ചു എന്നു അമിത് ഷാ ഉറപ്പ് നൽകി.
ദേശീയ സുരക്ഷാ ഉപദേഷ്ടാവ് അജിത് ഡോവൽ, ജമ്മു കശ്മീർ ലെഫ്റ്റനൻ്റ് ഗവർണർ മനോജ് സിൻഹ, കരസേനാ മേധാവി ജനറൽ മനോജ് പാണ്ഡെ എന്നിവർ യോഗത്തിൽ പങ്കെടുത്തു.