വൈത്തിരിയിൽ എം.ഡി.എം.എ യുമായി  പിടികൂടിയ ഒമ്പത് പ്രതികളെ ഇന്ന് കൽപ്പറ്റ കോടതിയിൽ ഹാജരാക്കും.

വൈത്തിരിയിൽ എം.ഡി.എം.എ യുമായി  പിടികൂടിയ ഒമ്പത് പ്രതികളെ ഇന്ന് കൽപ്പറ്റ കോടതിയിൽ ഹാജരാക്കും. ലക്കിടിയിലെ  സ്വകാര്യ ഹോംസ്റ്റേയില്‍ നിന്നും എംഡിഎംഎയുമായി   വയനാട്, കോഴിക്കോട്, കണ്ണൂര്‍ ജില്ലകളില്‍ നിന്നുള്ള ഒമ്പത് യുവാക്കളെ വൈത്തിരി പോലീസ് ഇന്നലെ അർദ്ധരാത്രിയിൽ അറസ്റ്റ് ചെയ്തത്.   കല്‍പ്പറ്റ വട്ടക്കാരി വീട്ടില്‍ മിന്‍ഹാജ് (30) ,കൂളിവയല്‍  കരിമ്പനക്കല്‍ വീട്ടില്‍ മുഹമ്മദ് റാഷിദ് (23) , കൊടുവള്ളി വാവാട് കതിരോട്ടില്‍ വീട്ടില്‍ റമീസ് (23) , താമരശ്ശേരി അമ്പായത്തോട് പുല്ലുമല വീട്ടില്‍ മിര്‍ഷാദ് (28) , താമരശ്ശേരി പരപ്പന്‍പൊയില്‍ മേത്തല്‍തൊടുകയില്‍ വീട്ടില്‍ ഇക്ബാല്‍ (24), കൊടുവള്ളി അവിലോര അരീക്കര വീട്ടില്‍ സുബൈര്‍ (39) താമരശ്ശേരി കോരങ്ങാട് വീട്ടില്‍ മുഹമ്മദ് ഹിഷാം (23), തലശ്ശേരി സൈദാര്‍പള്ളി എ പി വീട്ടില്‍ അഫീല്‍ ഇബ്രാഹിം (34) ,തലശ്ശേരി ചൊക്ലി മാസ് വീട്ടില്‍ ഷെസില്‍  (31) എന്നിവരെയാണ് അറസ്റ്റ് ചെയ്തത്. ഇവരില്‍ നിന്നും 10.20 ഗ്രാം എംഡിഎംഎ കണ്ടെടുത്തിട്ടുണ്ട്. വൈത്തിരി പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ്  ഇവരെ കസ്റ്റഡിയിലെടുത്തത്.