യുവാവിനെ മര്ദിച്ച് നിലത്തിട്ടി ബിയര് കുപ്പി കൊണ്ട് തലയ്ക്കടിച്ചു; പ്രതികള് അറസ്റ്റില്
കൊല്ലം: ബാറിലെ മേശയില് കാല് വെച്ചതിനെ തുടര്ന്ന് തര്ക്കത്തിനിടെ യുവാവിനെ കുത്തിക്കൊല്ലാന് ശ്രമിച്ച പ്രതികള് അറസ്റ്റില്. കൊല്ലം ഓച്ചിറയിലെ ബാറില് കഴിഞ്ഞ മാസം 22 ന് രാത്രിയില് ആയിരുന്നു ആക്രമണം. ഓച്ചിറ പായിക്കുഴി നന്ദുഭവനത്തില് നന്ദു, കൃഷ്ണപുരം കാപ്പില്മേക്ക് ഷിഹാസ് മന്സിലില് വാടകയ്ക്ക് താമസിക്കുന്ന ക്ലാപ്പ4321` സ്വദേശി കാക്ക ഷാന് എന്ന ഷാന്, ഓച്ചിറ വലിയകുളങ്ങര മീനാക്ഷിഭവനം വീട്ടില് അജയ് എന്നിവരാണ് അറസ്റ്റിലായത്. ഓച്ചിറ പ്രയാര്വടക്ക് സ്വദേശി സുജിത്തിനെ കൊലപ്പെടുത്താന് ശ്രമിച്ച കേസിലാണ് അറസ്റ്റ്. സുജിത്തും പ്രതികളും ബാറില് മദ്യപിക്കാന് എത്തിയതായപ്പോഴാണ് സംഭവം. ബാറിനുള്ളിലെ മേശപ്പുറത്ത് സുജിത് കാല് കയറ്റിവെച്ചു. ഇത് പ്രതികള് ചോദ്യം ചെയ്തതിനെ തുടര്ന്നുണ്ടായ തര്ക്കമാണ് കൊലപാതകശ്രമത്തില് കലാശിച്ചത്. സുജിത്തിനെ മര്ദിച്ച് നിലത്തിട്ട് ബിയര് കുപ്പി കൊണ്ട് തലയ്ക്കടിച്ചു. പൊട്ടിയ കുപ്പി ഉപയോഗിച്ച് കുത്തിക്കൊലപ്പെടുത്താനും ശ്രമിച്ചെന്ന് പോലീസ് പറഞ്ഞു. ഗുരുതരമായി പരിക്കേറ്റ സുജിത്ത് കായംകുളം താലൂക്ക് ആശുപത്രിയില് ചികിത്സയിലാണ്. സുജിത്തിന്റെ മൊഴിയുടെ അടിസ്ഥാനത്തില് കേസ് പോലീസ് രജിസ്റ്റര് ചെയ്തു. ഒളിവിലായിരുന്ന രണ്ട് പ്രതികളെ ബെംഗളൂരുവില് നിന്നാണ് പിടികൂടിയത്. മറ്റൊരാളെ പത്തനംതിട്ടയിലെ ഒളിസങ്കേതത്തില് നിന്ന് കസ്റ്റഡിയിലെടുത്തു.കോടതിയില് ഹാജരാക്കിയ ഇവരെ റിമാന്ഡ് ചെയ്തു.