ജോലി കഴിഞ്ഞു രാത്രി വീട്ടിലേക്ക് സ്കൂട്ടറില്‍ പോയ നഴ്സിനെ ബൈക്കില്‍ പിന്തുടര്‍ന്ന് കടന്നു പിടിച്ച സംഭവത്തില്‍ 2 ദിവസം കഴിഞ്ഞിട്ടും പ്രതിയെ കണ്ടെത്താനായില്ല.
തൊടുപുഴ ∙ ജോലി കഴിഞ്ഞു രാത്രി വീട്ടിലേക്ക് സ്കൂട്ടറില്‍ പോയ നഴ്സിനെ ബൈക്കില്‍ പിന്തുടര്‍ന്ന് കടന്നു പിടിച്ച സംഭവത്തില്‍ 2 ദിവസം കഴിഞ്ഞിട്ടും പ്രതിയെ കണ്ടെത്താനായില്ല.
പിന്തുടരുന്ന വാഹനം സിസിടിവി ദൃശ്യങ്ങളില്‍ കാണുന്നുണ്ടെങ്കിലും ചിത്രം വ്യക്തമല്ലാത്തതാണ് പൊലീസിനെ കുഴക്കുന്നത്. എങ്കിലും കൂടുതല്‍ ദൃശ്യങ്ങള്‍ പരിശോധിച്ച്‌ പ്രതിയിലേക്ക് എത്താനുള്ള തീവ്രശ്രമത്തിലാണ് പൊലീസ്.
വ്യാഴാഴ്ച രാത്രി 8.30 ന് തൊടുപുഴ വണ്ണപ്പുറത്താണ് സംഭവം. നഗരത്തിലെ സ്വകാര്യ ആശുപത്രിയിലെ ജോലി കഴിഞ്ഞ് വീട്ടിലേക്ക് പോകും വഴി തിരിയാൻ സ്കൂട്ടര്‍ വേഗം കുറച്ചപ്പോള്‍ പിന്നാലെ ബൈക്കിലെത്തിയ അക്രമി യുവതിയെ കടന്നു പിടിക്കുകയായിരുന്നു.
യുവതി ഒച്ച വച്ചതോടെ പ്രതി കടന്നുകളഞ്ഞു.