കോമഡി ഉത്സവം അവതാരകൻ മുിഥുൻ രമേഷിന് ബെല്സ് പാള്സി
Comedy festival host Mithun Ramesh has Bell's Palsy
മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മിഥുൻ രമേശ്. മലയാള സിനിമയിൽ ചെറുതും വലുതുമായ ഒട്ടേറെ കഥാപാത്രങ്ങളെ ഇദ്ദേഹം അവതരിപ്പിച്ചിട്ടുണ്ട്. നടൻ, അവതാരകൻ , റേഡിയോ ജോക്കി എന്ന നിലയിലും താരം ഏറെ ശ്രദ്ധിക്കപ്പെട്ടിട്ടുണ്ട്. ഫ്ലവേഴ്സ് ടിവിയിലെ കോമഡി ഉത്സവം എന്ന പരമ്പരയുടെ അവതാരകനായിട്ടാണ് ഇദ്ദേഹം ഏറ്റവും കൂടുതൽ ശ്രദ്ധിക്കപ്പെട്ടത്. എന്നാൽ ഇപ്പോൾ താരത്തിന് വന്നിരിക്കുന്ന രോഗത്തെക്കുറിച്ച് മിഥുൻ രമേഷ് തന്നെ വെളിപ്പെടുത്തിയിരിക്കുകയാണ്.
ബെല്സ് പാള്സി എന്നാണ് രോഗത്തിന്റെ പേര്…. എന്താണ് ബെല്സ് പാള്സി… ഭയപ്പെടുന്നത് പോലെ ഗുരുതരമായ ഒരവസ്ഥയാണോ ഇത്? രോഗാവസ്ഥയെ പറ്റി ചോദ്യങ്ങള് ഏറെയാണ് സാധാരണക്കാരില്… പലര്ക്കും ഈ രോഗം എന്താണെന്ന് പോലും അറിയില്ല…. എന്താണ് ബെല്സ് പാള്സി എന്ന് നോക്കാം.
സര്വസാധാരണമായ ഒരു രോഗമാണ് ബെല്സ് പാള്സി. ഇതൊരിക്കലും സ്ട്രോക്കല്ല, മുഖത്തെ ഞരമ്പുകള്ക്ക് ഉണ്ടാകുന്ന തളര്ച്ചയാണിത്. നെറ്റി ചുളിക്കുക, കണ്ണടയ്ക്കുക, ചിരിക്കുക തുടങ്ങിയ കാര്യങ്ങള് ചെയ്യുന്നത് ഫേഷ്യല് മസില്സിന്റെ സഹായത്തോടെയാണ്. ഈ മസില്സിനെ സപ്പോര്ട്ട് ചെയ്യുന്നത് ഫേഷ്യല് നെര്വ് ആണ്. ആ ഞരമ്പുകളെ ബാധിക്കുന്ന ഒരു രോഗമാണ് ബെല്സ് പാള്സി. ഇഡിയോപ്പതിക് ലോവര് മോട്ടോര് ന്യൂറോണ് ഫേഷ്യല് നെര്വ് പാള്സി എന്നാണ് ഈ രോഗത്തിന്റെ സയന്റിഫിക് നാമം.
ഇനി ഇതെന്ത് കൊണ്ടാണ് വരുന്നതെന്ന് അറിയണ്ടെ.. പെട്ടെന്നുണ്ടാകുന്ന ഞരമ്പിന്റെ പ്രവര്ത്തന വൈകല്യമാണ് ഈ രോഗത്തിന്റെ കാരണം. അതായത് ഞരമ്പില് നീര് വന്നത് പോലെ തളര്ച്ചയുണ്ടാകും. അതുകൊണ്ടാണ് ഇതിനെ ഇഡിയോപ്പതിക് എന്ന് പറയുന്നത്. മുഖം നോര്മല് സൈഡിലേക്ക് കോടിപ്പോകും. നെറ്റി ചുളിക്കാനോ, കണ്ണടയ്ക്കാനോ , വിസില് അടിക്കാനോ പറ്റില്ല. ഭക്ഷണം കഴിക്കുമ്പോള് കവിളില് കെട്ടിക്കിടക്കും. ബെല്സ് പാള്സി മൂലമുണ്ടാകുന്ന പ്രധാന ബുദ്ധിമുട്ട് മുഖത്തിന്റെ ഭംഗി പോകും എന്നതാണ്. രോഗം കണ്ടുകഴിഞ്ഞാല് സ്ട്രോക് ആണെന്ന് ആളുകള് തെറ്റിദ്ധരിക്കാറുണ്ട്. ഈ രോഗം വരുമ്പോള് പ്രത്യേകം ശ്രദ്ധിക്കണം. രണ്ടുമൂന്നു ശതമാനം ആളുകള്ക്ക് മാത്രം ഫേഷ്യല് നെര്വില് ട്യൂമറോ തകരാറോ കാണാറുണ്ട്. അപകടം മൂലം ഞരമ്പുകള്ക്ക് തകരാറ് സംഭവിച്ചാലും ഇങ്ങനെ വരാന് സാധ്യതയുണ്ട്.
ബെല്സ് പാള്സി വന്നു കഴിഞ്ഞാല് കൃത്യസമയത്ത് മരുന്ന് കൊടുത്ത് ചികിത്സ ആരംഭിക്കണം. ഒപ്പം ഫിസിയോതെറാപ്പിയും ആരംഭിക്കാം. കൂടെ ടെന്സ് എന്ന് പറയുന്ന ചികിത്സ കൂടിയുണ്ട്. ഞരമ്പുകളെ ഉത്തേജിപ്പിക്കാന് ചെറിയ ഇലക്ട്രോഡ് വച്ച് ഷോക്ക് ഏല്പ്പിക്കുന്നതാണ് ടെന്സ്. ഇതൊക്കെ ചെയ്തു കഴിഞ്ഞാല് തൊണ്ണൂറ്റിയഞ്ച് ശതമാനം ആളുകള്ക്കും രോഗം പൂര്ണ്ണമായും ഭേദമാകും. ചിലര്ക്ക് കുറച്ചുനാളത്തേക്ക് നിലനില്ക്കും. വൈറല് ഇന്ഫെക്ഷന് മൂലവും രോഗം വരാം. അതിനു ആന്റിബയോട്ടിക് മരുന്നുകള് എടുത്താല് മതിയാകും.
ആര്ക്ക് എപ്പോള് വേണമെങ്കിലും ബെല്സ് പാള്സി വരാവുന്നതേയുള്ളൂ.. ചിലര് തനിയെ മാറിക്കോളും എന്ന് പറഞ്ഞിരിക്കും. അത് പറ്റില്ല, നിര്ബന്ധമായും ഫിസിയോതെറാപ്പി ചെയ്യണം. തുടക്കത്തില് തന്നെ കൃത്യമായ ചികിത്സ ആരംഭിക്കുകയാണെങ്കില് പൂര്ണ്ണമായും മാറും. ആദ്യത്തെ മണിക്കൂറുകളിലുള്ള ചികിത്സ വളരെ പ്രധാനമാണ്. ഒരു തവണ വന്ന് മാറിക്കഴിഞ്ഞാലും പിന്നീട് വരാം. പക്ഷെ, പേടിക്കേണ്ട കാര്യമില്ല. രോഗം വന്ന് മാറിക്കഴിഞ്ഞാല് പിന്നെ സ്ഥിരമായി മരുന്ന് കഴിക്കേണ്ട സാഹചര്യമില്ല.
ALSO READ : സംസ്ഥാനത്ത് രണ്ട് ദിവസത്തേക്ക് കടുത്ത ചൂട് തുടരുമെന്ന് കാലാവസ്ഥാ വകുപ്പ്